Tebollarnir á HönnunarMars

Teboð á Hönnunarmars

Leir7 tekur þátt í HönnunarMars sem verður haldinn dagana 24. - 27. mars n.k.

Í glugga ELM á Laugavegi 1 verða tebollarnir sýndir og nú hafa hönnuðir bætt við loki á bollana sem nota skal meðan teið trekkir í nokkrar mínútur. Lokið getur svo verið undirskál þegar teið er tilbúið eða plata fyrir notaðan tepokann.

Hönnuðir eru:

Elísabet Haraldsdóttir                    Aðalblár

Kristín Ísleifsdóttir                           Birkir

Ólöf Erla Bjarnadóttir                      Fífill

Sigríður Erla Guðmundsdóttir       Hrútur

Í anddyri Íslensku óperunnar verður haldið Teboð laugardaginn 26.mars kl 15-17.

 Boðið verður upp á te sem unnið er úr jurtunum fjórum sem bollarnir sækja áhrif til. Teið sem er framleitt af Matarbúðinni í Hafnarfirði og ber heitið Fagradalste inniheldur aðalbláberjalyng, birkilauf, fífil og hrútaberjalyng.

Gestum býðst að velja bolla til að smakka teið úr, eitthvað munngott og lifandi tónlist Stúlknadjasstríósins.

Verið velkomin